🟠⚪🟢 ஊரடங்கு நேரத்தில் மாணவர்களை வீட்டிலிருந்தபடியே ஓவியம் மற்றும் திருக்குறள் ஒப்பிவித்தும் அசத்திய அரசர் தொடக்கப் பள்ளி மாணவர்கள்..

 

🟢⚪🟠 தஞ்சாவூர் நகரம் சத்திரம் நிர்வாகம் அரசர் தொடக்கப் பள்ளி மாணவர்கள் ஊரடங்கு நேரத்தில்  குடியரசு தினத்தை  வீட்டிலேயே ஓவியம் வரைந்தும் , திருக்குறள் ஒப்பிவித்தும் , வீடியோக்களை அனுப்பி பள்ளி நடத்திய  ஆன்லைன் போட்டிகளில் ஆர்வத்துடன்  பங்கேற்றனர்.

                            தஞ்சாவூர் நகரம் சத்திரம் நிர்வாகம் அரசர் தொடக்கப் பள்ளியில் குடியரசு தினத்தை முன்னிட்டு  ஆண்டுதோறும் மாணவர்களுக்கு ஓவியம்,பேச்சு போட்டி என பல்வேறு போட்டிகள்   நடைபெறுவது வழக்கம். கொரோனாவால் பள்ளி  மாணவர்கள் வீட்டிலேயே முடங்கி கிடப்பதை கருத்தில் கொண்டு  மாணவர்கள் வீட்டிலேயே ஓவியம் வரைய சொல்லியும், பேச்சு போட்டிகளில் பங்கேற்ற   மாணவர்களை ஆன்லைன் வழியாக வீடியோவாக அனுப்ப சொல்லி பள்ளி தலைமை ஆசிரியர் மீ.குமார் மற்றும் ஆசிரியர்கள்   அலைபேசி மூலம் மாணவர்களை தொடர்பு கொண்டு ஊக்குவித்தனர். மாணவர்கள் தொடர்ந்து வீட்டில் இருந்தபடியே இது போன்ற போட்டிகளில் பங்கேற்க செய்வது அவர்களது உடல்நலம் மற்றும் மனநலத்துக்கு  உதவுவது ஆகும் . ஓவியம்,பேச்சு போட்டிகளில்   பங்கேற்ற மாணவர்களுக்கு பாராட்டு தெரிவிக்கப்பட்டது.பள்ளி திறந்த பிறகு போட்டிகளில் பங்கேற்ற மாணவர்களுக்கு பரிசுகள் வழங்கப்பட உள்ளது.இப்பள்ளி மாணவர்களுக்கு  ஆன்லைன் வழியாக  பாட  வகுப்புகளும்,  நடைபெற்று வருவதும்  ஊரடங்கு காலத்தில் வீடுகளுக்குள் முடங்கி கிடக்கும் மாணவர்களுக்கு பயனுள்ளதாக இருக்கிறது என்று பெற்றோர்கள்  தெரிவித்தனர்.

பட விளக்கம் : தஞ்சாவூர் நகரம்சத்திரம் நிர்வாகம் அரசர் தொடக்கப் பள்ளி மாணவர்கள் குடியரசு தினத்தை முன்னிட்டு வீட்டிலேயே ஓவியம், திருக்குறள் ஒப்பிவித்தல் போன்ற போட்டிகளில் பங்கு கொண்டு ஆன்லைன் மூலம் வீடியோக்களை அனுப்பினார்கள்.பள்ளி தலைமை ஆசிரியர் மீ.குமார் மற்றும் ஆசிரியர்கள்  ஆகியோர் மாணவர்களை போட்டிகளில் பங்கேற்க ஊக்குவித்தனர்.